Նարեկ Գարեգինի Մատինյան համահիմնադիր/տնօրեն

Բարի գալուստ Պրոտոն ախտորոշիչ կենտրոնի վեբ կայք: Այստեղ կարող եք ծանոթանալ մեր գործունեությանը, գտնել տեղեկատվություն կենտրոնում մատուցվող ծառայությունների, անձնակազմի, գործիքային հագեցվածության, առաքելության, տեսլականի և արժեքների մասին:

Պրոտոնը միջազգային չափորոշիչներին համապատասխան բժշկական ախտորոշիչ կենտրոն է, որը կամուրջ է հանդիսանում մեր արհեստավարժ բուժանձնակազմի, սեփական առողջությունը գնահատող պացիենտների և ճշգրիտ ախտորոշման գինն իմացող բուժող բժիշկների միջև: Կենտրոնում տեղադրված է գերմանական Սիմենս ընկերության վերջին սերնդի 3 տեսլա հզորությամբ մագնիսա–ռեզոնանսային տոմոգրաֆը, որն օգնում է մեր պրոֆեսիոնալ բուժանձնակազմին տրամադրել ճշգրիտ ախտորոշում, հաճախ հիվանդության ամենավաղ շրջանում:

Մեր գործունեության կարևոր մասն է գիտակրթական բաղադրիչը, որը թույլ կտա ոչ միայն բարելավել ներկայումս կիրառվող ախտորոշիչ հետազոտությունները, այլ նաև ախտորոշման նորագույն մեթոդներ ներդնել Հայաստանում:

Նպատակ ունենալով ապահովել ձեզ լավագույն բժշկական խնամքով` մենք շարունակաբար նոր ուղիներ ենք փնտրում Պրոտոնի գործունեությունն ավելի արդյունավետ դարձնելու համար, և այդ հարցում անչափ կարևորում ենք ձեր կարծիքը։ Խնդրում ենք տեղեկացնել մեզ, թե ինչ կարող ենք անել, որպեսզի ձեր այցելությունը Պրոտոն ախտորոշիչ կենտրոն դառնա էլ ավելի հարմարավետ և արդյունավետ:

Համոզված եմ, որ միասին մենք կտեսնենք անտեսանելին: